DIE BURGER: Die Overbergse kunstenaar Joshua Miles se solotentoonstelling het pas in die The Mission’s House Gallery in Onrusrivier geopen. Miles fokus in sy jongste werke op die see, wat hy as een van sy visuele passies bestempel danksy die spel van lig op water. Hy vind ook inspirasie vir sy landskappe in die natuurskoon van die Overberg en die Klein-Karoo. Hy is gebore en het grootgeword in die Wes-Kaap en het visuele kuns aan die Universiteit van Kaapstad gestudeer. Miles en Niel Jonker is van die twaalf kunstenaars wat op 21 en 23 September vanjaar vir die Baardskeerdersbos-kunsroete hul ateljee vir die publiek oopmaak. Die kunswerke wat op die roete te sien is, is hoofsaaklik natuurtonele. Navrae: 00283162269 Read Source